جو مری آرزو نہیں کرتا
جو مری آرزو نہیں کرتا
اس کی میں جستجو نہیں کرتا
ہجر جاناں میں اپنے اشکوں سے
کون ہے جو وضو نہیں کرتا
وہ تو تیرا کلیم تھا ورنہ
سب سے تو گفتگو نہیں کرتا
سیدالانبیا تھے وہ ورنہ
سب کو تو روبرو نہیں کرتا
تیری نسبت ملی مجھے جب سے
میں کوئی آرزو نہیں کرتا
ہر گھڑی جس کی بات کرتا ہوں
مجھ سے وہ گفتگو نہیں کرتا
در بدر یوں نہیں بھٹکتا میں
جو فراموش تو نہیں کرتا
ہو نہیں پاتی شاعری افضلؔ
نذر جب تک لہو نہیں کرتا
افضل الہ آبادی 
(761) ووٹ وصول ہوئے
Jo Meri Aarzu Nahin Karta In Urdu By Famous Poet Afzal Allahabadi. Jo Meri Aarzu Nahin Karta is written by Afzal Allahabadi. Enjoy reading Jo Meri Aarzu Nahin Karta Poem on Inspiration for Students, Youth, Girls and Boys by Afzal Allahabadi. Free Dowlonad Jo Meri Aarzu Nahin Karta by Afzal Allahabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends