Waqt Un Ka Dushman Hai
wo kisi galileo ka intizar nahin kar rahe hain
ek baDi ghaDi tayyar karne ke liye
jise shahr ki ek yaadgari diwar mein nasab kiya ja sake
is KHala mein
hamari tariKH ki akkasi ke alawa
KHwatin ke aalami din par
jhula Dala ja sakta hai
chini taifa
bans se uchhal kar us mein se guzar sakta hai
us mein
ek lash ko muKHtasar kar ke laTkaya ja sakta hai
ise mohan joDaro ki inTon se
chuna ja sakta hai
Afzal Ahmad Syed 
(946) Peoples Rate This