دیر تک رات اندھیرے میں جو میں نے دیکھا (ردیف .. ٰ)
دیر تک رات اندھیرے میں جو میں نے دیکھا
مجھ سے بچھڑے ہوئے اک شخص کا چہرہ ابھرا
قسمیں دے دے کے مرے ہاتھوں نے مجھ کو روکا
میں نے دیوار سے کل نام جب اس کا کھرچا
دیکھ کر اس کو لگا جیسے کہیں ہو دیکھا
یاد بالکل نہیں آیا مجھے گھنٹوں سوچا
موم بتی کو گلاتا رہا دھیرے دھیرے
رات اندھیرے کا مرے کمرے میں بہتا لاوا
کتنے مغموم غزالوں کا بھرم رکھتا ہے
نرم کپڑے سے تراشا ہوا کالا برقعہ
قدر اب ہو کہ نہ ہو ذہن رسا کی لیکن
آ ہی جاتا ہے کبھی کام یہ کھوٹا سکہ
سارے دن میری طرح جلتا ہے اور شام ڈھلے
ہر بن مو سے لپٹ جاتا ہے میرا سایا
اپنے ہونٹوں پہ سجا لیتا ہوں میں جھوٹی ہنسی
اپنی پلکوں میں چھپا لیتا ہوں جلتا دریا
مان لو میری جو ہے اس پہ قناعت کر لو
اب نہیں اترے گا اس دنیا میں من و سلویٰ
آفتاب شمسی 
(1083) ووٹ وصول ہوئے
Der Tak Raat Andhere Mein Jo Maine Dekha In Urdu By Famous Poet Aftab Shamsi. Der Tak Raat Andhere Mein Jo Maine Dekha is written by Aftab Shamsi. Enjoy reading Der Tak Raat Andhere Mein Jo Maine Dekha Poem on Inspiration for Students, Youth, Girls and Boys by Aftab Shamsi. Free Dowlonad Der Tak Raat Andhere Mein Jo Maine Dekha by Aftab Shamsi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends