منکر کا خوف
پرانا پاسباں ظل الٰہی کا
جسے چاہے کرے منصب عطا عالم پناہی کا
اسے ترکیب آتی ہے
کسی مضمون کہنہ کو نیا عنوان دینے کی
وہ دیدہ ور ہمیشہ سے معین ہے
ہمارے راستے کے پست و بالا پر
وہ دانا اپنے منصوبے بناتا ہے
ہماری فطرتوں کی خاک ظلمت سے
ہماری خواہش تکرار کی دیرینہ عادت سے
وہ معبد ساز بت گر اپنی ہستی کے تقدس میں
سدا محفوظ رکھتا ہے
ہمارے گھر کو تحقیقی تجسس کی بلاؤں سے
کہیں اوہام کی عمدہ شبیہوں میں
ثقافت کے نگارستاں سجاتا ہے
کہیں خوش فہمیوں کے استعارے سے
ہرے لفظوں کے باغیچے کھلاتا ہے
کہیں نوک سناں کے اسم و افسوں سے
لہو کی بوند میں تسلیم کی کرنیں جگاتا ہے
قلوب اہل زمیں کے اس کی مٹھی میں دھڑکتے ہیں
شعور اس کا سدا مامور رہتا ہے
ہمیں اچھے برے کے فلسفے کی آڑ میں
ہم سے چھپانے پر
مگر اس کا مداوا کیا
کہ وہ پروردگار زور حکمت اپنی نیندوں میں
ہمیشہ سے
وجود فرد میں اک مضطرب سی شے سے ڈرتا ہے
وہ شے جس کی حقیقت
وقت کا ابلیس اس پر فاش کرتا ہے
آفتاب اقبال شمیم 
(1463) ووٹ وصول ہوئے
Munkir Ka KHauf In Urdu By Famous Poet Aftab Iqbal Shamim. Munkir Ka KHauf is written by Aftab Iqbal Shamim. Enjoy reading Munkir Ka KHauf Poem on Inspiration for Students, Youth, Girls and Boys by Aftab Iqbal Shamim. Free Dowlonad Munkir Ka KHauf by Aftab Iqbal Shamim in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends