Jigar Ko KHun Kiye Dil Ko Be-qarar Abhi
jigar ko KHun kiye dil ko be-qarar abhi
bhaTak rahe hain tere ishq mein hazar abhi
isi liye to ye duniya dhuli dhuli si lage
tere firaq mein roe hain zar-zar abhi
ada-e-KHar se gulshan ki baDh gai zinat
agarche phulon ke daman hain tar tar abhi
siyah-baKHt fazaon mein dil hua bad-zan
teri zaban ke tewar hain aab-dar abhi
abhi na niklega hasil hamari baaton ka
tumhaare sar pe hai saya koi sawar abhi
ye dekhte hain ki kal rang-e-subh kya hoga
ki aaftab ka 'alam' hai intizar abhi
Afroz Alam 
(885) Peoples Rate This