آدھوں کی طرف سے کبھی پونوں کی طرف سے
آدھوں کی طرف سے کبھی پونوں کی طرف سے
آوازے کسے جاتے ہیں بونوں کی طرف سے
حیرت سے سبھی خاک زدہ دیکھ رہے ہیں
ہر روز زمیں گھٹتی ہے کونوں کی طرف سے
آنکھوں میں لیے پھرتے ہیں اس در بدری میں
کچھ ٹوٹے ہوئے خواب کھلونوں کی طرف سے
پھر کوئی عصا دے کہ وہ پھنکارتے نکلے
پھر اژدہے فرعون کے ٹونوں کی طرف سے
تو وہم و گماں سے بھی پرے دیتا ہے سب کو
ہو جاتا ہے پل بھر میں نہ ہونوں کی طرف سے
باتوں کا کوئی سلسلہ جاری ہو کسی طور
خاموشی ہی خاموشی ہے دونوں کی طرف سے
پھر بعد میں دروازہ دکھا دیتے ہیں عادلؔ
پہلے وہ اٹھاتے ہیں بچھونوں کی طرف سے
عادل منصوری 
(1404) ووٹ وصول ہوئے
Aadhon Ki Taraf Se Kabhi Paunon Ki Taraf Se In Urdu By Famous Poet Adil Mansuri. Aadhon Ki Taraf Se Kabhi Paunon Ki Taraf Se is written by Adil Mansuri. Enjoy reading Aadhon Ki Taraf Se Kabhi Paunon Ki Taraf Se Poem on Inspiration for Students, Youth, Girls and Boys by Adil Mansuri. Free Dowlonad Aadhon Ki Taraf Se Kabhi Paunon Ki Taraf Se by Adil Mansuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends