گوشت کی سڑکوں پر
پھول باسی ہو گئے ہیں
لمس کی شدت سے تھک کر
ہاتھ جھوٹے ہو گئے ہیں
اس جگہ کل نہر تھی اور آج دریا بہہ رہا ہے
بوڑھا مانجھی کہہ رہا ہے
خواہشوں کے پیڑ پر لٹکے ہوئے
سایوں کو دیمک کھا رہی ہے
وقت کی نالی میں
سورج چاند تارے بہہ رہے ہیں
برف کے جنگل سے شعلے اٹھ رہے ہیں
خواب کے جلتے ہوئے چیتے
میری آنکھوں میں آ کر چھپ گئے ہیں
گھر کی دیواروں پہ
تنہائی کے بچھو رینگتے ہیں
تشنگی کے سانپ
خالی پانی کے مٹکے میں اپنا منہ چھپائے رو رہے ہیں
رات کے بہکے ہوئے ہاتھی
افق کے بند دروازے پہ دستک دے رہے ہیں
ہاتھ چھوڑو
ہاتھ میں کانٹا چبھا ہے
تین دن سے پھانس اندر ہے
نکلتی ہی نہیں
نام کیا ہے اور کہاں رہتے ہو تم
جامع مسجد کے قریب
کہتے ہیں مسجد کے مینارے بھی تھے
شہر میں اک زلزلہ آیا تھا جس سے گر گئے
گوشت کی سڑکوں پہ
کالے خون کے سایوں کا سورج چل رہا ہے
لذتوں کی آگ میں تن جل رہا ہے
عادل منصوری 
(976) ووٹ وصول ہوئے
Gosht Ki SaDkon Par In Urdu By Famous Poet Adil Mansuri. Gosht Ki SaDkon Par is written by Adil Mansuri. Enjoy reading Gosht Ki SaDkon Par Poem on Inspiration for Students, Youth, Girls and Boys by Adil Mansuri. Free Dowlonad Gosht Ki SaDkon Par by Adil Mansuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends