Ye Phailti Shikastagi Ehsas Ki Taraf
ye phailti shikastagi ehsas ki taraf
dariya rawan-dawan hain meri pyas ki taraf
us ka badan jhuka hua patthar ki bench par
apne qadam bhi muDte hue ghas ki taraf
dikhla rahi hai dhup bashashat ka aaina
aur chhanw khinchti hai mujhe yas ki taraf
ashiya ki lazzaton mein aTakta hua badan
aur ruh ka khinchaw hai ban-bas ki taraf
sab ye samajh rahe the ki nirwan mil gaya
chakra rahi hai chil magar mas ki taraf
Adil Mansuri 
(793) Peoples Rate This