ایسا بھی نہیں اس سے ملا دے کوئی آ کر
ایسا بھی نہیں اس سے ملا دے کوئی آ کر
کیسا ہے وہ اتنا تو بتا دے کوئی آ کر
یہ بھی تو کسی ماں کا دلارا کوئی ہوگا
اس قبر پہ بھی پھول چڑھا دے کوئی آ کر
سوکھی ہیں بڑی دیر سے پلکوں کی زبانیں
بس آج تو جی بھر کے رلا دے کوئی آ کر
برسوں کی دعا پھر نہ کہیں خاک میں مل جائے
یہ ابر بھی آندھی نہ اڑا دے کوئی آ کر
یہ کوہ یہ سبزہ یہ مچلتی ہوئی ندیاں
مر جاؤں جو منزل کا پتا دے کوئی آ کر
ہر گھر پہ ہے آواز ہر اک در پہ ہے دستک
بیٹھا ہوں کہ مجھ کو بھی صدا دے کوئی آ کر
اس خواہش ناکام کا خوں بھی مرے سر ہے
زندہ ہوں کہ اس کی بھی سزا دے کوئی آ کر
عدیم ہاشمی 
(1207) ووٹ وصول ہوئے
Aisa Bhi Nahin Us Se Mila De Koi Aa Kar In Urdu By Famous Poet Adeem Hashmi. Aisa Bhi Nahin Us Se Mila De Koi Aa Kar is written by Adeem Hashmi. Enjoy reading Aisa Bhi Nahin Us Se Mila De Koi Aa Kar Poem on Inspiration for Students, Youth, Girls and Boys by Adeem Hashmi. Free Dowlonad Aisa Bhi Nahin Us Se Mila De Koi Aa Kar by Adeem Hashmi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends