تم جو سیانے ہو گن والے ہو
ہیرے موتی لعل جواہر رولے بھر بھر تھالی
اپنا کیسہ اپنا دامن اپنی جھولی خالی
اپنا کاسہ پارہ پارہ اپنا گریباں چاک
چاک گریباں والے لوگو تم کیسے گن والے ہو
کانٹوں سے تلوے زخمی ہیں روح تھکن سے چور
کوچے کوچے خوشبو بکھری اپنے گھر سے دور
اپنا آنگن سونا سونا اپنا دل ویران
پھولوں کلیوں کے رکھوالو تم کیسے گن والے ہو
طوفانوں سے ٹکر لے لی جب تھامے پتوار
پیار کے ناطے جس کشتی کے لاکھوں کھیون ہار
ساحل ساحل شہر بسائے ساگر ساگر دھوم
مانجھی اپنی نگری بھولے تم کیسے گن والے ہو
آنکھوں کرنیں ماتھے سورج اور کٹیا اندھیاری
کیسے لکھ لٹ راجہ ہو تم سمجھیں لوگ بھکاری
شیشہ سچا اجلا جب تک اونچا اس کا بھاؤ
اپنا مول نہ جانا تم نے کیسے گن والے ہو
جن کھیتوں کا رنگ نکھارے جلتی تپتی دھوپ
ساون کی پھواریں بھی چاہیں ان کھیتوں کا روپ
تم کو کیا گھاٹا دل والو
تم جو سچے ہو گن والے ہو
ادا جعفری 
(1113) ووٹ وصول ہوئے
Tum Jo Siyane Ho Gun Wale Ho In Urdu By Famous Poet Ada Jafri. Tum Jo Siyane Ho Gun Wale Ho is written by Ada Jafri. Enjoy reading Tum Jo Siyane Ho Gun Wale Ho Poem on Inspiration for Students, Youth, Girls and Boys by Ada Jafri. Free Dowlonad Tum Jo Siyane Ho Gun Wale Ho by Ada Jafri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends