قفس سے چھٹنے پہ شاد تھے ہم کہ لذت زندگی ملے گی
قفس سے چھٹنے پہ شاد تھے ہم کہ لذت زندگی ملے گی
یہ کیا خبر تھی بہار گلشن لہو میں ڈوبی ہوئی ملے گی
جن اہل ہمت کے راستوں میں بچھائے جاتے ہیں آج کانٹے
انہی کے خون جگر سے رنگیں چمن کی ہر اک کلی ملے گی
وہ دن بھی تھے جب اندھیری راتوں میں بھی قدم راہ راست پر تھے
اور آج جب روشنی ملی ہے تو زیست بھٹکی ہوئی ملے گی
نئی سحر کے حسین سورج تجھے غریبوں سے واسطہ کیا
جہاں اجالا ہے سیم و زر کا وہیں تری روشنی ملے گی
کبھی تو نسل و وطن پرستی کی تیرگی کو شکست ہوگی
کبھی تو شام الم مٹے گی کبھی تو صبح خوشی ملے گی
وہ ہم نہیں ہیں کہ صرف اپنے ہی گھر میں شمعیں جلا کے بیٹھیں
وہاں وہاں روشنی کریں گے جہاں جہاں تیرگی ملے گی
تلاش منزل کا عزم محکم دلیل منزل رسی ہے زاہدؔ
قدم تو اپنے بڑھاؤ آگے کھلی ہوئی راہ بھی ملے گی
ابو المجاہد زاہد 
(1276) ووٹ وصول ہوئے
Qafas Se ChhuTne Pe Shad The Hum Ki Lazzat-e-zindagi Milegi In Urdu By Famous Poet Abul Mujahid Zahid. Qafas Se ChhuTne Pe Shad The Hum Ki Lazzat-e-zindagi Milegi is written by Abul Mujahid Zahid. Enjoy reading Qafas Se ChhuTne Pe Shad The Hum Ki Lazzat-e-zindagi Milegi Poem on Inspiration for Students, Youth, Girls and Boys by Abul Mujahid Zahid. Free Dowlonad Qafas Se ChhuTne Pe Shad The Hum Ki Lazzat-e-zindagi Milegi by Abul Mujahid Zahid in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends