Ye Ek Aur Humne Qarina Kiya
ye ek aur hum ne qarina kiya
dar-e-yar tak dil ko zina kiya
badal di hai sab surat-e-ab-o-KHak
magar jab lahu ko pasina kiya
wo kashti se dete the manzar ki dad
so hum ne bhi ghar ko safina kiya
kahan hum tak aaya koi raaz-ju
kahan hum ne dil ko dafina kiya
faqiron ka ye bhi tilismat hai
lahu-rang ko aabgina kiya
chamakne laga phir gham-e-raegan
magar ek jab zaKHm-o-sina kiya
Abul Hasanat Haqqi 
(743) Peoples Rate This