اگر میری جبین شوق وقف بندگی ہوتی
اگر میری جبین شوق وقف بندگی ہوتی
تو پھر محشور ان کے ساتھ اپنی زندگی ہوتی
جو تصویر خیالی نقش دل پر ہو گئی ہوتی
تو اپنی ذات میں ہر دم تری جلوہ گری ہوتی
رضائے دوست پر قربان جس کی ہر خوشی ہوتی
حقیقت میں اسی کی غم سے خالی زندگی ہوتی
نگاہ مست ساقی سے جو مے خواروں نے پی ہوتی
یقیناً حشر تک ان کو نہ پھر تشنہ لبی ہوتی
حصول درد و غم کی کوششوں میں گر کمی ہوتی
سرور و کیف کی لذت کہاں مجھ کو ملی ہوتی
مجھے وہ باتوں باتوں میں اگر دیوانہ کہہ دیتے
تو دیوانوں میں میری معتبر دیوانگی ہوتی
ترے مشق ستم ہی نے کسی قابل کیا مجھ کو
تیرا احسان ورنہ زندگی کس کام کی ہوتی
تمہارا آئنہ بن کر جو دل پیش نظر رہتا
تمہیں تم جلوہ گر ہوتے نہ صورت دوسری ہوتی
تصور ہی کے عالم میں جو وہ تکلیف فرماتے
تو کیوں فرقت نصیبوں کے لئے شب ہجر کی ہوتی
اگر تیری طرح تبلیغ کرتا پیر مے خانہ
تو دنیا بھر میں واعظ مے کشی ہی مے کشی ہوتی
تمہاری بے نیازی کو غرض کب ہے مگر میری
تمنا ہے جبین شوق وقف بندگی ہوتی
حیات و موت کا پیغام دیتا ہر نفس واصلؔ
کبھی روپوش وہ ہوتے کبھی جلوہ گری ہوتی
جو معبودان باطل کی جہاں میں سروری ہوتی
مقابل حیدری کے پست کیوں کر مرحبی ہوتی
ابو محمد واصل 
(878) ووٹ وصول ہوئے
Agar Meri Jabin-e-shauq Waqf-e-bandagi Hoti In Urdu By Famous Poet Abu Mohammad Wasil. Agar Meri Jabin-e-shauq Waqf-e-bandagi Hoti is written by Abu Mohammad Wasil. Enjoy reading Agar Meri Jabin-e-shauq Waqf-e-bandagi Hoti Poem on Inspiration for Students, Youth, Girls and Boys by Abu Mohammad Wasil. Free Dowlonad Agar Meri Jabin-e-shauq Waqf-e-bandagi Hoti by Abu Mohammad Wasil in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends