Naznin Jab KHiram Karte Hain
naznin jab KHiram karte hain
tab qayamat ka kaam karte hain
gul pe jun os yun tere mukh par
TuT dil azhdaham karte hain
tum nazar kyun churae jate ho
jab tumhein hum salam karte hain
kya tamasha hai jab ki do mashuq
mil ke baham kalam karte hain
mominon ke dilon ko ye bad-kesh
kafiri kar ke ram karte hain
ishq ki saf manin namazi sab
'abru' ko imam karte hain
Abroo Shah Mubarak 
(972) Peoples Rate This