تجھ سے وابستگی رہے گی ابھی
تجھ سے وابستگی رہے گی ابھی
دل کو یہ بیکلی رہے گی ابھی
سر کو دیوار ہی نہیں ملتی
سو یہ دیوانگی رہے گی ابھی
کوئی دن فرصت تمنا ہے
کوئی دن سر خوشی رہے گی ابھی
کاسۂ عمر بھر چکا پھر بھی
کہیں کوئی کمی رہے گی ابھی
شب وہی ہے جمال خواب وہی
آنکھ اپنی لگی رہے گی ابھی
جس قیامت کی آمد آمد ہے
وہ قیامت ٹلی رہے گی ابھی
ہم یقیناً یہاں نہیں ہوں گے
غالباً زندگی رہے گی ابھی
کچھ ابھی رنج آرزو ہے ہمیں
آنکھ میں کچھ نمی رہے گی ابھی
تو ابھی مبتلائے دنیا نہیں
تجھ میں یہ سادگی رہے گی ابھی
لا تعلق ہوں اس تعلق سے
اور یہ دوستی رہے گی ابھی
جی اچٹتا نہیں ہے لگتا نہیں
سو یہ بیگانگی رہے گی ابھی
کہیں کوئی چراغ جلتا ہے
کچھ نہ کچھ روشنی رہے گی ابھی
ابرار احمد 
(1197) ووٹ وصول ہوئے
Tujhse Wabastagi Rahegi Abhi In Urdu By Famous Poet Abrar Ahmad. Tujhse Wabastagi Rahegi Abhi is written by Abrar Ahmad. Enjoy reading Tujhse Wabastagi Rahegi Abhi Poem on Inspiration for Students, Youth, Girls and Boys by Abrar Ahmad. Free Dowlonad Tujhse Wabastagi Rahegi Abhi by Abrar Ahmad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends