لگے ہے آسماں جیسا نہیں ہے
لگے ہے آسماں جیسا نہیں ہے
نظر آتا ہے جو ہوتا نہیں ہے
تم اپنے عکس میں کیا دیکھتے ہو
تمہارا عکس بھی تم سا نہیں ہے
ملے جب تم تو یہ احساس جاگا
اب آگے کا سفر تنہا نہیں ہے
بہت سوچا ہے ہم نے زندگی پر
مگر لگتا ہے کچھ سوچا نہیں ہے
یہی جانا ہے ہم نے کچھ نہ جانا
یہی سمجھا ہے کچھ سمجھا نہیں ہے
یقیں کا دائرہ دیکھا ہے کس نے
گماں کے دائرے میں کیا نہیں ہے
یہاں تو سلسلے ہی سلسلے ہیں
کوئی بھی واقعہ تنہا نہیں ہے
بندھے ہیں کائناتی بندھنوں میں
کوئی بندھن مگر دکھتا نہیں ہے
ہو کس نسبت سے تم جاویدؔ صاحب
نہ ہونا تو ہے یاں ہونا نہیں ہے
عبد اللہ جاوید 
(1243) ووٹ وصول ہوئے
Lage Hai Aasman Jaisa Nahin Hai In Urdu By Famous Poet Abdullah Javed. Lage Hai Aasman Jaisa Nahin Hai is written by Abdullah Javed. Enjoy reading Lage Hai Aasman Jaisa Nahin Hai Poem on Inspiration for Students, Youth, Girls and Boys by Abdullah Javed. Free Dowlonad Lage Hai Aasman Jaisa Nahin Hai by Abdullah Javed in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends