جو گزرتا ہے گزر جائے جی
جو گزرتا ہے گزر جائے جی
آج وہ کر لیں کہ بھر جائے جی
آج کی شب یہیں جینا مرنا
جس کو جانا ہو وہ گھر جائے جی
اس گلی سے نہیں جانا ہم کو
آن رخصت ہو کہ سر جائے جی
وقت نے کر دیا جو کرنا تھا
کوئی مرتا ہے تو مر جائے جی
شاخ گل موج ہوا رقصاں ہیں
پھول بکھرے تو بکھر جائے جی
منظروں کے بھی پرے ہیں منظر
آنکھ جو ہو تو نظر جائے جی
سمت کیا راہ کیا منزل کیسی
چل پڑو آپ جدھر جائے جی
اپنی ہی سوچ پہ چلنا چاہے
اپنی ہی سوچ سے ڈر جائے جی
یہ عجب بات ہے اکثر جاویدؔ
جس سے روکیں وہی کر جائے جی
عبد اللہ جاوید 
(1357) ووٹ وصول ہوئے
Jo Guzarta Hai Guzar Jae Ji In Urdu By Famous Poet Abdullah Javed. Jo Guzarta Hai Guzar Jae Ji is written by Abdullah Javed. Enjoy reading Jo Guzarta Hai Guzar Jae Ji Poem on Inspiration for Students, Youth, Girls and Boys by Abdullah Javed. Free Dowlonad Jo Guzarta Hai Guzar Jae Ji by Abdullah Javed in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends