غیر کے دل پہ تو اے یار یہ کیا باندھے ہے
غیر کے دل پہ تو اے یار یہ کیا باندھے ہے
ہے وہ اک باد فروش اور ہوا باندھے ہے
بوالہوس جامۂ عریانٔی عشاق کو دیکھ
تو گریبان سے کیوں اپنا گلا باندھے ہے
یوں شرر چھڑتی ہیں جیسے کہ ہوائی ہے چھٹی
اک سماں آہ مری تا بہ سما باندھے ہے
دل سرگشتہ بھی تو ایک بلا میں ہے پھنسا
کبھی کھولی ہے کبھو زلف دوتا باندھے ہے
یہ تو تجھ سے نہ ہوا آوے شب تار میں یار
تار شکوؤں ہی کا تو صبح و مسا باندھے ہے
دیکھ کر توڑا گلے کا کوئی دل دیتا ہے
منڈچرا پن سے تو کیوں اپنا گلا باندھے ہے
بے وفا ماندہ کی رکھی تو نہ تجھ پاس رہوں
کیا کروں پاؤں مرا دست وفا باندھے ہے
ناف آہو میں نہ کس طرح سے جا کر وہ چھپے
مشک کی مشکیں تری زلف رسا باندھے ہے
ایک جھگڑالو کی دختر پہ ہوا ہے عاشق
دل مرا جان کے جھگڑے کی بنا باندھے ہے
جب جفا سے تری ہوتا ہوں خفا غصہ سے
ٹکٹکی میری طرف مہر وفا باندھے ہے
جب کہا میں نے کہ جوڑے کو مری جان تو باندھ
بند محرم کے میں باندھوں گا تو کیا باندھے ہے
کھول کر بالوں کو آشفتہ و برہم ہو کر
تیرے کہنے سے کہا میری بلا باندھے ہے
سہل یہ طور ہے احساںؔ غزل اک اور بھی لکھ
ہے کھلا سب پہ تو مضمون بندھا باندھے ہے
عبدالرحمان احسان دہلوی 
(1250) ووٹ وصول ہوئے
Ghair Ke Dil Pe Tu Ai Yar Ye Kya Bandhe Hai In Urdu By Famous Poet Abdul Rahman Ehsan Dehlvi. Ghair Ke Dil Pe Tu Ai Yar Ye Kya Bandhe Hai is written by Abdul Rahman Ehsan Dehlvi. Enjoy reading Ghair Ke Dil Pe Tu Ai Yar Ye Kya Bandhe Hai Poem on Inspiration for Students, Youth, Girls and Boys by Abdul Rahman Ehsan Dehlvi. Free Dowlonad Ghair Ke Dil Pe Tu Ai Yar Ye Kya Bandhe Hai by Abdul Rahman Ehsan Dehlvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends