Koi Basti Koi Qarya Nahin Hai
koi basti koi qarya nahin hai
jahan main ne tujhe paya nahin hai
jidhar dekho sukut-e-bekaran hai
sar-e-maqtal to sannaTa nahin hai
diye bujh jaen to bujhti nahin hai
hawa ko kyun ye andaza nahin hai
ajab basti hai jis mein aa base hain
sabhi jhuTe koi sachcha nahin hai
'ziya' main ne jise samjha hai barson
use dekha magar dekha nahin hai
Abdul Qavi Ziya 
(731) Peoples Rate This