میں پہنچا اپنی منزل تک مگر آہستہ آہستہ
میں پہنچا اپنی منزل تک مگر آہستہ آہستہ
کیا ہے پورا اک مشکل سفر آہستہ آہستہ
نہیں آساں حریم ناز تک کی تھی رسائی بھی
ہوئے تسخیر لیکن بام و در آہستہ آہستہ
متاع عزم محکم ہی کا اس کو معجزہ کہئے
کہ منزل بن گئی خود رہ گزر آہستہ آہستہ
بہت ہی سخت گرچہ زندگی کے معرکے تھے بھی
کھلا ہے مجھ پہ ہر باب ظفر آہستہ آہستہ
رہا ہے رشتہ ایسا سنگ و تیشہ سے کہ لے آیا
میں جوئے شیر اک شیریں کے گھر آہستہ آہستہ
ہنر ایسا چراغوں کے دھواں پینے سے آیا ہے
کہ شبنم میں بدل جاتے شرر آہستہ آہستہ
نہیں کچھ کام آئی ہے کسی کی کیمیا سازی
بنے قطرے پسینے کے گہر آہستہ آہستہ
ستاروں کو بنانا آفتاب آساں نہیں ہوتا
کئے کچھ معرکے ایسے بھی سر آہستہ آہستہ
ستائش نکتہ چینی اور صلے سے بے نیازانہ
میں بس چلتا رہا اپنی ڈگر آہستہ آہستہ
فقط اک سعئ پیہم زندگی کا اپنی عنواں ہے
شب تاریک سے پھوٹی سحر آہستہ آہستہ
فلک کے چاند تاروں سے رقابت بھی نہیں لیکن
کیا دامن کو خود رشک قمر آہستہ آہستہ
گل و غنچہ کہ رنگ و بو میں پا لیتا ہوں سب ان میں
کھلے ہیں اس طرح داغ جگر آہستہ آہستہ
حصار ناشناساں ہو کہ بزم نکتہ چیناں ہو
مجھے آ ہی گیا کرنا بسر آہستہ آہستہ
میں دلی لکھنؤ میں گرچہ پہلے ہی سے تھا لیکن
ہوا ہوں گھر میں طرزیؔ معتبر آہستہ آہستہ
عبدالمنان طرزی 
(1211) ووٹ وصول ہوئے
Main Pahuncha Apni Manzil Tak Magar Aahista Aahista In Urdu By Famous Poet Abdul Mannan Tarzi. Main Pahuncha Apni Manzil Tak Magar Aahista Aahista is written by Abdul Mannan Tarzi. Enjoy reading Main Pahuncha Apni Manzil Tak Magar Aahista Aahista Poem on Inspiration for Students, Youth, Girls and Boys by Abdul Mannan Tarzi. Free Dowlonad Main Pahuncha Apni Manzil Tak Magar Aahista Aahista by Abdul Mannan Tarzi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends