جب نگاہ طلب معتبر ہو گئی
جب نگاہ طلب معتبر ہو گئی
منزل شوق دشوار تر ہو گئی
ساعت غم بھی کیا مختصر ہو گئی
تیری یاد آئی تھی کہ سحر ہو گئی
ہر حقیقت خود اپنی خبر ہو گئی
بدعت رنگ صرف نظر ہو گئی
رات محفل میں وہ بے نقاب آئے تھے
اور ہم نے یہ سمجھا سحر ہو گئی
اپنے پندار کی لاش ڈھوتے رہے
زندگی اپنی اس میں بسر ہو گئی
آئینے سے پلٹتی رہی ہر کرن
ہر نظر اپنی ہی پردہ در ہو گئی
کوئی الزام جلووں پہ آیا نہیں
بے بسی آنکھ کی مشتہر ہو گئی
وہ جو آئے تو سیلاب نور آ گیا
روشنی خود ہی سد نظر ہو گئی
چارہ سازی نہ کی حیف نظروں ہی نے
ہم نے سمجھا دعا بے اثر ہو گئی
ہائے پھر تیری باتوں میں دل آ گیا
پھر فسوں ساز تیری نظر ہو گئی
اپنے عجز نظر کا بھرم کھل گیا
بے حجابی تری دیدہ ور ہو گئی
طرزیؔ قدموں کے بدلے جبینیں ملیں
نارسی قسمت سنگ در ہو گئی
عبدالمنان طرزی 
(1342) ووٹ وصول ہوئے
Jab Nigah-e-talab Moatabar Ho Gai In Urdu By Famous Poet Abdul Mannan Tarzi. Jab Nigah-e-talab Moatabar Ho Gai is written by Abdul Mannan Tarzi. Enjoy reading Jab Nigah-e-talab Moatabar Ho Gai Poem on Inspiration for Students, Youth, Girls and Boys by Abdul Mannan Tarzi. Free Dowlonad Jab Nigah-e-talab Moatabar Ho Gai by Abdul Mannan Tarzi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends