Kya Sahal Samjhe Ho Kahin Dhabba ChhuTa Na Ho
kya sahal samjhe ho kahin dhabba chhuTa na ho
zalim ye mera KHun hai rang-e-hina na ho
yarab mujhe ye dagh-e-tamanna bahut aziz
pahlu se dil juda ho magar ye juda na ho
rahen nikalta hai yahi soz-o-saz ki
pahlu mein dil na ho to koi hausla na ho
tum aur wafa karo ye na manunga main kabhi
us ko fareb do jo tumhein jaanta na ho
kya kya 'sharar' zalil hue aabru gai
aisa bhi aashiqi ka kisi ko maza na ho
Abdul Halim Sharar 
(670) Peoples Rate This