اک ایما اک اشارہ مر رہا ہے
اک ایما اک اشارہ مر رہا ہے
افق پر دل کے تارا مر رہا ہے
جو میرے بعد سب پیدا ہوا تھا
وہ مجھ سے پہلے سارا مر رہا ہے
جسے تھا پھول کر پھٹنا ہی لازم
سکڑ کر وہ غبارہ مر رہا ہے
کئی موجوں نے دم توڑا تھا جس پر
سنا ہے وہ کنارا مر رہا ہے
خرد تحلیل صحرا کر رہی ہے
جنوں کا استعارہ مر رہا ہے
نظر کی موت اک تازہ المیہ
اور اتنے میں نظارہ مر رہا ہے
زماں پیما یہی مقیاس دل تھا
مگر اب اس کا پارہ مر رہا ہے
مجھے زندہ تھی جس کی ناگواری
وہ اب مجھ کو گوارا مر رہا ہے
کہاں مانگی ہوئی سانسیں کہاں دل
جلایا تھا، دوبارہ مر رہا ہے
عبد الاحد ساز 
(1196) ووٹ وصول ہوئے
Ek Ima Ek Ishaara Mar Raha Hai In Urdu By Famous Poet Abdul Ahad Saaz. Ek Ima Ek Ishaara Mar Raha Hai is written by Abdul Ahad Saaz. Enjoy reading Ek Ima Ek Ishaara Mar Raha Hai Poem on Inspiration for Students, Youth, Girls and Boys by Abdul Ahad Saaz. Free Dowlonad Ek Ima Ek Ishaara Mar Raha Hai by Abdul Ahad Saaz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends