دکھائی دینے کے اور دکھائی نہ دینے کے درمیان سا کچھ
دکھائی دینے کے اور دکھائی نہ دینے کے درمیان سا کچھ
خیال کی لامکانیوں میں ابھر رہا ہے مکان سا کچھ
کوئی تعین کوئی تیقن نظر کو محدود رکھ سکے جو
فلک سے نیچے بہت ہی نیچے بنا ہے اک سائبان سا کچھ
نمو کا طوفاں تھا آفرینش کی زد پہ ہم تم کھڑے تھے دونوں
تمہیں بھی کچھ یاد آئے شاید مجھے تو آتا ہے دھیان سا کچھ
ہوائیں وابستگی سے پر ہیں فضا پہ موجودگی ہے طاری
نواح جاں میں لہک رہا ہے بسے بسائے جہان سا کچھ
کہیں یہ منظر میں قید لمحے کہیں یہ لمحوں میں قید منظر
رسائی کی آزمائشوں میں رہائی کا امتحان سا کچھ
اندھیرے کاغذ کی وسعتوں میں کہیں کہیں روشنی کے دھبے
یہ سعئ تجسیم نا بیانی یہ اشتباہ بیان سا کچھ
عبد الاحد ساز 
(1335) ووٹ وصول ہوئے
Dikhai Dene Ke Aur Dikhai Na Dene Ke Darmiyan Sa Kuchh In Urdu By Famous Poet Abdul Ahad Saaz. Dikhai Dene Ke Aur Dikhai Na Dene Ke Darmiyan Sa Kuchh is written by Abdul Ahad Saaz. Enjoy reading Dikhai Dene Ke Aur Dikhai Na Dene Ke Darmiyan Sa Kuchh Poem on Inspiration for Students, Youth, Girls and Boys by Abdul Ahad Saaz. Free Dowlonad Dikhai Dene Ke Aur Dikhai Na Dene Ke Darmiyan Sa Kuchh by Abdul Ahad Saaz in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends