ستم کو ان کا کرم کہیں ہم جفا کو مہر و وفا کہیں ہم
ستم کو ان کا کرم کہیں ہم جفا کو مہر و وفا کہیں ہم
زمانہ اس بات پر بضد ہے کہ ناروا کو روا کہیں ہم
کچھ ایسا سودا ہے سب کے سر میں مزاج بگڑے ہوئے ہیں سب کے
کوئی بھی سنتا نہیں کسی کی کہیں کسی سے تو کیا کہیں ہم
یہ ساری باتیں ہیں درحقیقت ہمارے اخلاق کے منافی
سنیں برائی نہ ہم کسی کی نہ خود کسی کو برا کہیں ہم
نہ جانے ہم سے ہے کیا توقع؟ نہیں کسی طرح جان بخشی
زمانہ اس پہ بھی معترض ہے اگر خدا کو خدا کہیں ہم
ہماری آہیں بھی بے اثر ہیں ہمارے نالے بھی نارسا ہیں
وہ درد جس کا نہ ہو مداوا اسے نہ کیوں لا دوا کہیں ہم
نہ دن کو ہے کچھ سکوں میسر نہ شب کو آتی ہے نیند ہم کو
یہی محبت کی ابتدا ہے تو پھر کسے انتہا کہیں ہم
یہی تقاضا ہے مصلحت کا اسی میں ہے عافیت بھی آتشؔ
کسی سے دل کو جو رنج پہنچے اسے خدا کی رضا کہیں ہم
آتش بہاولپوری 
(1425) ووٹ وصول ہوئے
Sitam Ko Un Ka Karam Kahen Hum Jafa Ko Mehr-o-wafa Kahen Hum In Urdu By Famous Poet Aatish Bahawalpuri. Sitam Ko Un Ka Karam Kahen Hum Jafa Ko Mehr-o-wafa Kahen Hum is written by Aatish Bahawalpuri. Enjoy reading Sitam Ko Un Ka Karam Kahen Hum Jafa Ko Mehr-o-wafa Kahen Hum Poem on Inspiration for Students, Youth, Girls and Boys by Aatish Bahawalpuri. Free Dowlonad Sitam Ko Un Ka Karam Kahen Hum Jafa Ko Mehr-o-wafa Kahen Hum by Aatish Bahawalpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends