نہیں ممکن کہ ترے حکم سے باہر میں ہوں
نہیں ممکن کہ ترے حکم سے باہر میں ہوں
اے صنم تابع فرمان مقدر میں ہوں
دل تو حیران ہے کیوں ششدر و مضطر میں ہوں
عشق کہتا ہے کہ اس پردہ کے اندر میں ہوں
پیر و سلسلۂ زلف معنبر میں ہوں
طوق سے عذر نہ زنجیر سے باہر میں ہوں
آب روئے صدف و زینت گوش محبوب
در نایاب جو سنتے ہو وہ گوہر میں ہوں
اب سبک دوش میں ہوں بوجھ گلے کا ٹل جائے
تیغ قاتل سے الٰہی کہیں بے سر میں ہوں
طائر قبلہ نما کا ہے اشارہ مجھ سے
نامہ پہنچانے کو پردار کبوتر میں ہوں
آئی پھر فصل بہاری مدد اے جوش جنوں
دو قدم چل نہیں سکتا ہوں وہ لاغر میں ہوں
نطق کہتا ہے کہ عیسیٰ مرا دم بھرتا ہے
دہن یار کو دعویٰ ہے کہ کوثر میں ہوں
جادو برحق ہے تو کافر ہے عیاں را چہ بیاں
تیرا مارا ہوا اے چشم فسوں گر میں ہوں
محتسب کو بھی ہدایت کروں مے نوشی کی
واعظا تیری جگہ گر سر منبر میں ہوں
نہ انہیں میری شکایت نہ مجھے ان کا گلہ
نہ کدورت انہیں مجھ سے نہ مکدر میں ہوں
حیرت حسن سے اک سکتہ کا عالم دیکھا
آئینہ منہ کو ترے تکتا ہے ششدر میں ہوں
دور فرہاد گیا یہ ہے زمانہ میرا
بے ستوں اب تو اٹھائے ہوئے سر پر میں ہوں
آج کل حسن جوانی پہ جو ہے ان کو غرور
ناز کہتا ہے کہ انداز سے باہر میں ہوں
برق و سیماب کا آغاؔ نہ رہے نام و نشاں
دل کی بیتابی سے اک بار جو مضطر میں ہوں
آغا اکبرآبادی 
(1813) ووٹ وصول ہوئے
Nahin Mumkin Ki Tere Hukm Se Bahar Main Hun In Urdu By Famous Poet Aagha Akbarabadi. Nahin Mumkin Ki Tere Hukm Se Bahar Main Hun is written by Aagha Akbarabadi. Enjoy reading Nahin Mumkin Ki Tere Hukm Se Bahar Main Hun Poem on Inspiration for Students, Youth, Girls and Boys by Aagha Akbarabadi. Free Dowlonad Nahin Mumkin Ki Tere Hukm Se Bahar Main Hun by Aagha Akbarabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends