مزا ہے امتحاں کا آزما لے جس کا جی چاہے
مزا ہے امتحاں کا آزما لے جس کا جی چاہے
نمک زخم جگر پر اور ڈالے جس کا جی چاہے
جگر موجود ہے تو وہ بنا لے جس کا جی چاہے
گلا حاضر ہے خنجر آزما لے جس کا جی چاہے
اگر ہے حسن کا دعویٰ مہ و خورشید دونوں میں
کف پا سے تمہارے منہ ملا لے جس کا جی چاہے
یہ مشت استخواں اپنے کسی کے کام میں آئیں
ہما ہو یا سگ دل دار کھا لے جس کا جی چاہے
اگر ہے زندگی باقی تو ہم حسرت نکالیں گے
دل پر آرزو پر خاک ڈالے جس کا جی چاہے
فقیروں کو نہیں کچھ زینت دنیا سے مطلب ہے
میں خوش کمبل میں ہوں اوڑھے دوشالے جس کا جی چاہے
جو روشن دل میں ان کی روشنی چھپتی نہیں ہرگز
مہ تاباں پہ صاحب خاک ڈالے جس کا جی چاہے
شکایت مجھ کو دونوں سے ہے ناصح ہو کہ واعظ ہو
نہ سمجھا ہوں نہ سمجھوں سر پھرا لے جس کا جی چاہے
میں ہوں برگ خزاں افتادہ میں مردود دہقاں ہوں
گرا ہوں ان کی نظروں سے اٹھا لے جس کا جی چاہے
نہیں ہوتا کبھی آب رواں پر شک نجاست کا
مرے اشکوں کے دریا میں نہا لے جس کا جی چاہے
چمن میں گل کے مرجھانے سے آغاؔ ہو گیا ثابت
بسان غنچہ دم بھر مسکرا لے جس کا جی چاہے
آغا اکبرآبادی 
(1869) ووٹ وصول ہوئے
Maza Hai Imtihan Ka Aazma Le Jis Ka Ji Chahe In Urdu By Famous Poet Aagha Akbarabadi. Maza Hai Imtihan Ka Aazma Le Jis Ka Ji Chahe is written by Aagha Akbarabadi. Enjoy reading Maza Hai Imtihan Ka Aazma Le Jis Ka Ji Chahe Poem on Inspiration for Students, Youth, Girls and Boys by Aagha Akbarabadi. Free Dowlonad Maza Hai Imtihan Ka Aazma Le Jis Ka Ji Chahe by Aagha Akbarabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends