کیا بنائے صانع قدرت نے پیارے ہاتھ پاؤں
کیا بنائے صانع قدرت نے پیارے ہاتھ پاؤں
نور کے سانچے میں ڈھالے ہیں تمہارے ہاتھ پاؤں
ضعف پیری چھا گیا زور جوانی چل بسا
اب چلیں بتلائیے کس کے سہارے ہاتھ پاؤں
مچھلیاں بازو پہ ابھریں ساق پا شمعیں بنیں
خوب صاحب نے نکالے اب تو بارے ہاتھ پاؤں
فوق ہیرے سے نہیں ہے میری جاں یاقوت کو
کیوں رنگے ہیں آپ نے مہندی سے سارے ہاتھ پاؤں
مانی و بہزاد نے ملک عدم کی راہ لی
وہ کمر مطلق نہ پائی لاکھ مارے ہاتھ پاؤں
ہم نہ کہتے تھے کہ ہر دم شوخیاں اچھی نہیں
آخرش مہندی نے باندھے لو تمہارے ہاتھ پاؤں
ہاتھا پائی میں بھی ہم چوکے نہ اپنے کام سے
وصل کی شب یار نے کیا کیا نہ مارے ہاتھ پاؤں
ہے ضعیفی میں بھی ہم کو نوجوانی کا خیال
دل نہیں ہارا ہے اب تک گو کہ ہارے ہاتھ پاؤں
غیر کی دھمکی سے ہم ڈر جائیں یہ ممکن نہیں
ایسے بودے بھی نہیں ہیں کچھ ہمارے ہاتھ پاؤں
معدن یاقوت کو دریا بنایا آپ نے
مہندی مل کر دھوئے جب دریا کنارے ہاتھ پاؤں
اس بڑھاپے میں بھی آغاؔ سو جواں میں ایک ہے
گو ضعیفی آ گئی پر ہیں کرارے ہاتھ پاؤں
آغا اکبرآبادی 
(1787) ووٹ وصول ہوئے
Kya Banae Sane-e-qudrat Ne Pyare Hath Panw In Urdu By Famous Poet Aagha Akbarabadi. Kya Banae Sane-e-qudrat Ne Pyare Hath Panw is written by Aagha Akbarabadi. Enjoy reading Kya Banae Sane-e-qudrat Ne Pyare Hath Panw Poem on Inspiration for Students, Youth, Girls and Boys by Aagha Akbarabadi. Free Dowlonad Kya Banae Sane-e-qudrat Ne Pyare Hath Panw by Aagha Akbarabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends