چڑھا دیا ہے بھگت سنگھ کو رات پھانسی پر
گری ہے برق تپاں دل پہ یہ خبر سن کر
چڑھا دیا ہے بھگت سنگھ کو رات پھانسی پر
اٹھا ہے نالۂ پر درد سے نیا محشر
جگر پہ مادر بھارت کے چل گئے خنجر
شکستہ حال ہوا قوم کے حبیبوں کا
بدن میں خشک لہو ہو گیا غریبوں کا
ابھی تو قوم نے نہروؔ کا غم اٹھایا تھا
ابھی تو داس کی فرقت نے حشر ڈھایا تھا
ابھی تو ہجر کا بسمل کے زخم کھایا تھا
ابھی تو کوہ ستم چرخ نے گرایا تھا
چلے ہیں ناوک بیداد پھر کلیجوں پر
کہ آج اٹھ گئے افسوس نوجواں رہبر
عدو وطن کو تشدد سے کیا دبائیں گے
وہ اپنے ہاتھ سے فتنے نئے جگائیں گے
جو ملک و قوم کی دیوی پہ سر چڑھائیں گے
نثار ہو کے شہیدوں میں نام پائیں گے
گرے گا قطرۂ خوں بھی جہاں سپوتوں کا
فدائے ہند وہاں ہوں گے سینکڑوں پیدا
جہاں سے ملک عدم نونہال جاتے ہیں
نمایاں کر کے ستم کش کا حال جاتے ہیں
گرا کے ہند میں کوہ ملال جاتے ہیں
وطن کو چھوڑ کے بھارت کے لال جاتے ہیں
تڑپ رہے ہیں جدائی میں بے قرار وطن
چلے ہیں عالم بالا کو جاں نثار وطن
آفتاب رئیس پانی پتی 
(1831) ووٹ وصول ہوئے
ChaDha Diya Hai Bhagat-singh Ko Raat Phansi Par In Urdu By Famous Poet Aaftab Rais Panipati. ChaDha Diya Hai Bhagat-singh Ko Raat Phansi Par is written by Aaftab Rais Panipati. Enjoy reading ChaDha Diya Hai Bhagat-singh Ko Raat Phansi Par Poem on Inspiration for Students, Youth, Girls and Boys by Aaftab Rais Panipati. Free Dowlonad ChaDha Diya Hai Bhagat-singh Ko Raat Phansi Par by Aaftab Rais Panipati in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends