چاند تارے بنا کے کاغذ پر
چاند تارے بنا کے کاغذ پر
خوش ہوئے گھر سجا کے کاغذ پر
بستیاں کیوں تلاش کرتے ہیں
لوگ جنگل اگا کے کاغذ پر
جانے کیا ہم سے کہہ گیا موسم
خشک پتا گرا کے کاغذ پر
ہنستے ہنستے مٹا دیے اس نے
شہر کتنے بسا کے کاغذ پر
ہم نے چاہا کہ ہم بھی اڑ جائیں
ایک چڑیا اڑا کے کاغذ پر
لوگ ساحل تلاش کرتے ہیں
ایک دریا بہا کے کاغذ پر
ناؤ سورج کی دھوپ کا دریا
تھم گئے کیسے آ کے کاغذ پر
خواب بھی خواب ہو گئے عادلؔ
شکل و صورت دکھا کے کاغذ پر
عادل رضا منصوری 
(2892) ووٹ وصول ہوئے
Chand Tare Bana Ke Kaghaz Par In Urdu By Famous Poet Aadil Raza Mansoori. Chand Tare Bana Ke Kaghaz Par is written by Aadil Raza Mansoori. Enjoy reading Chand Tare Bana Ke Kaghaz Par Poem on Inspiration for Students, Youth, Girls and Boys by Aadil Raza Mansoori. Free Dowlonad Chand Tare Bana Ke Kaghaz Par by Aadil Raza Mansoori in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends